intersezionibabeliche.net

Introduzion

Croseris Babelichis, la rassegne pe promozion dal plurilinguisim puartade indenant de Regjon Friûl-Vignesie Julie e dal Comun di San Denêl insiema a l’Associazion Elisa Mertens, je rivade a la so seconda edizion.
Il teme comun ai events de edizion 2008 al è il leam tra la evoluzion des lenghis e lis migrazions dai popui, cun particolâr atenzion a ce che al è sucedût e al sta sucedint tal bacin dal Mediterani.
Lis migrazions, che no àn dome une dimension economiche e sociâl, si manifestin soredut inte forme di contats tra culturis e lengaçs, e la necessitât di superâ la incomprension de lenghe dal altri al è duncje al prin at dal incuintri, dulà che i soi efiets a son simpri stâts la contaminazion, il misclicjament, e la trasformazion: dutis lis lenghis di cumò a son il risultât des migrazions e dai incuintris tra popui tal cors de storie.
Un particolâr riferiment al vignarà dedicât a cemût che lis problematichis linguistichis dai imigrâts a si zontin intun territori, come chel de regjon Friûl-Vignesie Julie, dulà che coesistin za diviersis lenghis, e duncje il rapuart tra lis lenghis di minorance storichis e lis lenghis des gnovis minorancis.
Lis cunvignis, precedudis di manifestazions artistichis e leteraris racueltis sot la ombrene di “Spietant Croseris”, a daran al public la pussibilitât di aprofundî la cognossince de storie des lenghis, des contaminazions jenfri la proprie e chê dai popui dai paîs dongje, des dificultâts e dai vantaçs che a incuntrin i migrants tal imparâ un gnûf idiome, e des plui resintis ricercjis leadis al cjamp de traduzion.
Chest an Croseris Babelichis e pues contâ su la colaborazion de Associazion Laureâts in Lenghis de Universitât di Udin.

Spietant croseris

Croseris babelichis - inaugurazion

Croseris babelichis